शुक्रवार, ६ एप्रिल, २०१८

स्वातंत्र्य...


    स्वातंत्र्य...???

स्वातंत्र्याचं काही विचारू नका राव
इथ निषेध जरी नोंदवला
तरी देशद्रोही म्हणून घोषित होत नाव
स्वातंत्र्याच्या नावाखाली
आजही जाळताहेत आमचे हक्क
मारताहेत माणसा सारखी माणसं
पालोपाचोळ्यासारखी...
होतोय बलात्कार भरदिवसा
देत आहेत बलात्काराच्या धमक्या
बिनधास्तपणे...
होतोय अत्याचार आजही
पूर्वी उघड उघड अन आता लपून
लोकशाहीचे पाईक आम्ही
आम्हाला राष्ट्रभक्ती शिकवताहेत...
स्वतंत्र भारतात अजून कसल स्वातंत्र्य पाहिजे
बोलणाऱ्या फोकदारीच्यांनो
स्वातंत्र्याच्या खोट्या बाता करत
राष्ट्रभक्तीची कसली प्रमाणपत्र वाटता
इथं भर दिवसा खून होतो 
तेव्हा कुठे शेण खायला जाता...
खबरदार स्वतंत्र भारतात स्वातंत्र्य आहे बोललात तर
इथे आम्हाला कालही स्वातंत्र्य नव्हत अन आजही...

               - गिरीश अमिता भाऊ कांबळे
                          (पोंभुर्ले)


स्वातंत्र्य भारतातील हुकूमशाहीला, संविधानाच्या विरोधात असणाऱ्यांना, संविधान जळणाऱ्यांना आणि त्यावर मूग गिळून गप्प बसणाऱ्या ५६" इंच छाती असलेल्या पंतप्रधानांना तसेच त्यांच्या भक्तांना, राष्ट्रभक्ती शिकवणाऱ्यांना, राष्ट्रभक्तीची सर्टिफिकेट वाटणाऱ्यांना, राष्ट्रपतींना देवळात प्रवेश न देणाऱ्यांना, स्वयंघोषित गोरक्षकांना, बलात्कार करणाऱ्यांना, जातीय अत्याचार करणाऱ्यांना, स्वातंत्र्य भारतात जातीयवाद नाही बोलणाऱ्या थोरांना या सर्वांना स्वातंत्र्य दिनाच्या मंगलमय सदिच्छा...!!!💐💐
                    

कोणत्याही टिप्पण्‍या नाहीत:

टिप्पणी पोस्ट करा

पत्रकार बाबासाहेब आंबेडकर...!

२० व्या शतकाच्या सुरुवातीला स्वातंत्र्यलढ्यासोबतच महाराष्ट्र सामाजिक न्यायाच्या चळवळीनं ढवळून निघत होता. अनेक वर्तमानपत्र, मासिकं, पु...